ابن العراق
08-08-2007, 11:33 AM
هذه القصيده هي للشاعر الشهيد رحيم المالكي تغمده الله بواسع رحمته واسمها غربه وجرح.
القاها الشاعر في الاردن عندما شاهد احد العراقيين في الغربه وقد وافته المنيه فانطلق الهامه الشعري ليدون هذه الرائعه...
ان شاء الله تعجبكم وعذرا على اللهجه العراقيه اذا كانت غير مفهومه لاخواننا واخواتنا الغير عراقيين.
غربة وجرح..رائعة الشاعر الشهيد رحيم المالكي
ليش لوحدك من غير جناز؟!
و ياهو الغسلك ويغمض العيون؟
غريب بنص محطة ووادم جناب
وهلك عنك بعيد شلون يدرون
اليموت بنص هله تتهدل اهدال
عليه امه و خواته اطيح المتون
واشوفك وحدك وانت الكبل جان
الجبل والساتر ابسدك يلوذون
ملك موتك استعجل لو توانيت
ترد لديرتك جاه هسة مدفون
دليني ابجوازك رايد اقراه
وشوف اشصار الك بالغربة مسجون
ومن وحشة الغربة لوحشة الموت
وشربت الوحشتين ابفرد ماعون
عليك امك تعاين بلجن اتعود
وضعنك ما رجع من دون الضعون
عدمن ودعتهه اوجيت ليجاي
اوعليك تناشد اليرحون واليجون
تريدك عون الهه ابتالي الشيب
اوهسة انت ضعت وتريد الك عون
وحدك تنعه روحك جنك تكول
هلي يامن ضيعوني اشلون ينسون
المثلك ما يموت او ناسه تنساه
العراقي انت العزيز او تنسى شلون
يلحنت اجروحك حنة الفاو
يلمدني قميصك حقل مجنون
يل بالهور دمك لسة موجود
و ليهسة بنهر جاسم بيك يحجون
المثلك ما يظل من غير جناز
النخل يطلع وراك ويه اليشيعون
المن جابتك للغربة رجليك
ومتت لا ناعية ولاناس يبجون
تكلي الجوع.. اكلك انت غلطان
العراق بخير بعده.. ولسة مامون
صحيح الجوع كافر من يمر بيك
وانه امجربه وعرفت اشلون ملعون
حافي و ساوموني وكلت ما ابيع
و شلت غيرة هلي العشرين مليون
اثبت لا تهزك وحشة العوز
الشدايد تنتظر وتعدي وتهون
العراق اشما تمر بيه الملمات
جلد على النايبة وبالصبر مدهون
اذا ذيب الوكت ما ننكلب شاة
ونتانيهه اشوكت تكطعنه السنون
غدر طبع ذيابه و هذا معروف
و مثل هاي النهاية المره يردون
انه يا صاحبي راجع للعراق
اسولف قصتك للي يأشرون
وكلهم نهر ذله وره اطريبيل
وانه خايف عليكم لا تغركون
الوطن هذا الوطن.. كل شبر محراب
كعبه ودنكوا يمه اليصلون
عراق عراق ومنهو غيرك يرهم وياي
وانه امطلك الدنيه و عايف الكون
اخيرا رحم الله من قرأ سورة الفاتحه على روح الشاعر الشهيد رحيم المالكي تسبقها الصلاة على محمد وال محمد.
القاها الشاعر في الاردن عندما شاهد احد العراقيين في الغربه وقد وافته المنيه فانطلق الهامه الشعري ليدون هذه الرائعه...
ان شاء الله تعجبكم وعذرا على اللهجه العراقيه اذا كانت غير مفهومه لاخواننا واخواتنا الغير عراقيين.
غربة وجرح..رائعة الشاعر الشهيد رحيم المالكي
ليش لوحدك من غير جناز؟!
و ياهو الغسلك ويغمض العيون؟
غريب بنص محطة ووادم جناب
وهلك عنك بعيد شلون يدرون
اليموت بنص هله تتهدل اهدال
عليه امه و خواته اطيح المتون
واشوفك وحدك وانت الكبل جان
الجبل والساتر ابسدك يلوذون
ملك موتك استعجل لو توانيت
ترد لديرتك جاه هسة مدفون
دليني ابجوازك رايد اقراه
وشوف اشصار الك بالغربة مسجون
ومن وحشة الغربة لوحشة الموت
وشربت الوحشتين ابفرد ماعون
عليك امك تعاين بلجن اتعود
وضعنك ما رجع من دون الضعون
عدمن ودعتهه اوجيت ليجاي
اوعليك تناشد اليرحون واليجون
تريدك عون الهه ابتالي الشيب
اوهسة انت ضعت وتريد الك عون
وحدك تنعه روحك جنك تكول
هلي يامن ضيعوني اشلون ينسون
المثلك ما يموت او ناسه تنساه
العراقي انت العزيز او تنسى شلون
يلحنت اجروحك حنة الفاو
يلمدني قميصك حقل مجنون
يل بالهور دمك لسة موجود
و ليهسة بنهر جاسم بيك يحجون
المثلك ما يظل من غير جناز
النخل يطلع وراك ويه اليشيعون
المن جابتك للغربة رجليك
ومتت لا ناعية ولاناس يبجون
تكلي الجوع.. اكلك انت غلطان
العراق بخير بعده.. ولسة مامون
صحيح الجوع كافر من يمر بيك
وانه امجربه وعرفت اشلون ملعون
حافي و ساوموني وكلت ما ابيع
و شلت غيرة هلي العشرين مليون
اثبت لا تهزك وحشة العوز
الشدايد تنتظر وتعدي وتهون
العراق اشما تمر بيه الملمات
جلد على النايبة وبالصبر مدهون
اذا ذيب الوكت ما ننكلب شاة
ونتانيهه اشوكت تكطعنه السنون
غدر طبع ذيابه و هذا معروف
و مثل هاي النهاية المره يردون
انه يا صاحبي راجع للعراق
اسولف قصتك للي يأشرون
وكلهم نهر ذله وره اطريبيل
وانه خايف عليكم لا تغركون
الوطن هذا الوطن.. كل شبر محراب
كعبه ودنكوا يمه اليصلون
عراق عراق ومنهو غيرك يرهم وياي
وانه امطلك الدنيه و عايف الكون
اخيرا رحم الله من قرأ سورة الفاتحه على روح الشاعر الشهيد رحيم المالكي تسبقها الصلاة على محمد وال محمد.